Te hōtaka whakaako o Rangatahi Futures

Ko tā te hōtaka whakaako o Rangatahi Futures he tautoko i ngā kaiako ki te whakatairanga i ngā tikanga me ngā kōrero tuku iho a te Māori hei āwhina i ngā ākonga Māori ki te kimi i te ara mahi e tika ana mā rātou.

What's on this page?

Mō Rangatahi Futures

He hōtaka whakaako a Rangatahi Futures e whakatairanga ana i te ao Māori hei ara ki te ao mahi

E hāngai ana a Rangatahi Futures ki te hunga rangatahi Māori. Ko te whāinga nui, he tautoko i a rātou ki te kimi māramatanga mō te ao mahi mā ngā kōrero tuku iho a ō rātou tūpuna.

Te hōtaka mō ngā Tau 10

Mā te hōtaka o Ngā mahi a ngā tūpuna:

ka whakaaroaro ngā rangatahi ki ngā terenga waka o ō rātou tūpuna
ka toro atu rātou ki ngā pūkenga ako o te ao mahi
ka whakatutuki i a rātou tētahi mahere whai mahi.

Mā tēnei kaupapa ka toro atu te hunga rangatahi ki ngā whakaaro matua me ngā tikanga a te ao mahi mā ngā kōrero tuku iho a ō rātou tūpuna.

Te hōtaka mō ngā Tau 11

Ka tau mai te Māori ki Aotearoa kei a rātou kē ngā pūkenga me ngā mātauranga o ō rātou tūpuna

Mā te hōtaka o Te ao ōhanga Māori:

ka ako ngā rangatahi mō ngā pakihi Māori o mua, o nāianei hoki
ka mōhio rātou ki te hononga o ngā pakihi ki te ao ōhanga, ki ō rātou whānau, ki ngā hapū, ki ngā iwi me ngā hapori
ka mōhio rātou ki ngā momo ara mahi i te ao ōhanga Māori.

Ka ākina ngā rangatahi ki te kimi i te ara mahi tika mā rātou anō, ahakoa te momo mahi, kia tū pakari ai rātou i te ao ōhanga o Aotearoa.

Ngā rauemi i te reo Māori me te reo Ingarihi

Kei te reo Māori me te reo Ingarihi ngā rauemi katoa a Rangatahi Futures.

He kōrero anō mō ngā rauemi reo Ingarihi

He whakamārama anō

Pānuihia ngā kōrero mō te kaupapa whakamātau i roto i ngā pūrongo arotake mō Rangatahi Futures ki raro iho nei.

Whakapā mai

Mēnā kei te pīrangi koe kia tū tētahi hui whakangungu mō Rangatahi Futures ki tō wāhi ako, e hiahia ana rānei koe ki ētahi atu whakamārama, tēnā koa whakapā mai ki 0800 601 301 īmēra rānei.

Updated 21 Nov 2019

Resources